De Aarauer Regiirigsrot Urs Hofmann hed hüt erklärd, dass er bi de Gsamterneuerigswahle am 18. Oktober 2020 nüm wird aaträte. Esch dodemit de Wäg frei für d Yvonne Feri?
Es esch knapp gsi, im zwöite Wahlgang vo de Regiirigsrotsersatzwahl im November 2019. Med ned emol 1600 Stimme weniger esch d Yvonne Feri em Jean-Pierre Gallati unterläge. Wo de Urs Hofmann bekannt gäh hed, dass er im Oktober nümme werd aaträte esch schnäll d Frog uftauchd, ob d Yvonne Feri no en dritte Versuech werd unternäh, nach 2016 und 2019.
Mir hend de Yvonne Feri us dem Grund per Mail e paar Froge gschtelld und werded de Artikel ergänze, wenn mer d Antworte becho händ. Klar esch aber scho, dass si nüm wird aaträte und Wettige in absehbarer Ziit sicher numme ein Regiirigsrot wird stelle….de Markus Dieth.