Am 18. Januar 2020 isch di erscht Papier- und Kartonsammlig vo dem Johr. Um Sibni am Morge set alles parat stoh.
Ab de Sibni isch d Pfadi Burghorn i de ganze Gmeind unterwägs, zum Altpapier und -kartin iizsammle. S Papiir und de Karton müend trännt vo enend und in guet verschnüürte Bigeli vo nöd meh wi 5 kg a de Strass stoh. D Schnür sete us Naturstoff wi öppe Hanf si. Plastik-, Draht oder Klebbandverschnürige sind verbote. Au Altpapiir in Tragtäsche isch nöd erwünscht, will es Lüt git, wo Huuskehricht drunter schmuggle, was s Recycling vom Papiir und em Karton schwer beiiträchtiged. Kontaktperson für d Sammlig isch de Robin Rast.