Am 2. November 2019 hät de Rotary Club Wettige-Heitersberg sis 15-Jahr Jubiläum mit emene Clean-Up-Day uf de Klosterhalbinsel Wettige gfiret. Sini 44 Mitglieder setzet sich treu am Motto selbstlos z’Diene zum Wohl vo Mensch und Umwelt i verschiedene Projekt i.
Usgstattet mit Abfallgrifer und Abfallsack sind d Mitglieder vom RC Wettige-Heitersberg – unterstützt vo Rotarier vom RC Wettige und RC Bade-Rohrdorferberg- verschiedeni Routene uf de Klosterhablinsel abgloffe. Uf de Sammeltour sind 100 kg Abfall zämecho, die bi de Firma Obrist Transport + Recycling AG entsorgt händ dörfe werde. Im Aschluss händ d’Clubmitglieder mit ihrne Partner und Partnerinne und Gäst bime chline Imbiss s 15-Jahr-Jubiläum gfiret.
Es paar Highlights vode letschte 15 Jahr: 11 Grümpis für Mensche mit Beeiträchtigung, 10 Midlife-Parties, 12 Jugendustusch-Projekte, 10 Wünsch alässlich de 10-Jahr Fiir erfüllt, über 10 Stipendie für kenianische Studente, über 50 Wasserfilter für thailändische Schuele glieferet, Wasserprojekt in Tansania, 1 Fürstell oberhalb Spreitebach installiert, jährlichi Usflüg mit Altersheimbewohner, verschiedeni chlineri Gmeinschafts- und Bruefsdienstprojekt ich de Region unterstützt. Zudem initiierte de Rotary Club Wettigen-Heitersberg mit de Rotary Clubs us de Region Bade-Wettige d’ Organisation ROKJ. De Dienst unterstützt Chinder und Jugendlichi us finanziell schwache Verhältnis bi de Förderig vo ihrne Talent. Unter de Führig vom Distrikt Governor Roland Wunderli, Mitglied vom RC Wettingen-Heiterberg, isch de Dienst im Distrikt 1980 (Basel bis Chiasso) speziell gfördert wurde.
Au i de Zuekunft setzt sich de Rotary Club Wettige-Heitersberg voller Elan zum Wohl vode Gesellschaft i. S’nächschte Highlight folgt am 18. Januar 2020: die 11. Midlife-Party. Tanze und Fire für en guete Zweck zugunste de Organisatione: Stiftig ikj, Stiftig Kind und Autismus und Tel 143 – die darboteni Hand.
Witeri Informatione unter https://www.midlifeparty.ch/ und unter https://wettingen-heitersberg.rotary1980.ch/