Di noi AG für de Wettiger Wybau stoht kurz vor de Gründig. Am 21. Auguscht 2019 isch es so wit.
Scho am Räbhüüsli-Sonntig sind Zeichnigs-Schii für d Nachfolgefirma vo de Wettiger Wybaugnosseschafft verteilt worde. Jetzt stood au s Datum vo de Gründigsversammlig fescht. Di Persone, wo bis hütt mindischtens ei Aktie vo de «WeinStern Wettingen AG» zeichnet und de Betrag vo 500. – Franke pro Aktie iizahlt händ, händ scho es E-Mail vom Roli Michel becho. Det drin esch z läse, dass am 21. Auguscht 2019 am Sebni am Obig im Rathuus-Saal d Versammlig werd stattfinde. Nach de Begrüessig wird de Gschäftsleiter und Verwaltigsrot vorgstellt, s Logo präsentiert und zäme druf ahgstosse beme chline Apéro.