Dete, wo im 2018 s Maislabyrinth gsi isch, started demnächschte d Früehligs-«Wiesn». D Organisatore sind di gliiche wi bim Oktoberfäscht z Bade.
Am 10.-12. und am 14.-16. Mai 2019 find gegenüber vom Zigelhof s erschti Früehligsfäscht z Wettige statt. S Fäscht, wo i bayrischem Wyss-Blau daher chunnd, isch für alli Altersstuefe denkd.
Es wird verschidnigi Attraktione geh, wis Ufrichte vom Maibaum, em Fassaastich durch de Gmeindamme Roland Kuster, Liveunterhaltig, Biirgarte, Chueflafebingo, Säuliränne, Strichelzoo und vilem meh. Au de BLIGG isch dete und präsentiirt sin Tanneschnaps.
Detailiirti Informatione gits uf de Website https://fruehlings-wiesn.ch