Bi Bohrige im Tägi isch me uf e Thermalquelle gstosse. Bi de Saniirig vom Erholigs- und Sportzäntrum (Set AG) wird deshalb es zuesätzlichs Thermalbecki baud.
D Nochricht über d Mehrchoschte dörfd für vili en Schock si und anderi werded säge, ihri Befürchtige siged iiträte. Wi d SET AG mitteild, falled bi de Saniirig vom Tägi witeri Mehrchoschte aa. Mit ere Höchi vo 8 Millionen Franke sind es jetzt mimdescht 54 Millione Franke, wo d Saniirig und d Erwiterig choscht. Grund isch de Fund vo de Thermalquelle, wo me inere Tüfi vo 230 Meter im Tägi aabohrd het. Um s Wasser effektiv z nutze und so de Badener Bäder Konkurrenz z mache, het de Verwaltigsrat vo de SET AG em Usbau zuegestimmt. D Eröffnig wird au fürs Thermalbad im 2020 stattfinde.