Sit Woche wird bi de Fridays for Future d Usruefig vom Klimanotstand gfordered. D Gmeind übernimmt e Vorreiterrolle und führt Begrenzige bim Stromverbruuch ii.
Während Züri vo de 2000-Watt-Gsellschaft träumt, macht Wettige Nägel mit Köpf. De Gmeindrot het de Klimanotstand usgruefe, was für d Bevölkerig grossi Uswirkige het. Jede Hushalt dörf numme no 2000 Watt bruuche.
D Folge sind massiv. Je nach Energieeffizienz vo de Grät cha me e Waschmaschine numme no bruuche, we me gliichzitig de Küehlschrank und d Stereoaalag abschtellt. Wer am Choche isch, dörf i dere Ziit nümm Fernseh luege und het au kei Möglichkeit meh, Mobiltelefon z lade und am Computer z schaffe.
Ab hüt, Mentig, montiird s EWW Stromzähler, wo das überwache und automatisch Grät abschalted, we me z viil Strom bruuchd. We me ned wot, dass d Elektriker eifach vor de Tür stönd, cha me bim EW aalüte und en feschte Termin für d Montage vo dem Zähler mit Stromsperre abmache (Tel. 056 437 20 90).