Fasnacht: Am Samschtig isch de Chinderumzug

De Umzug vo de Chinderfasnacht het z Wettige Tradition. Am Samschtig isch es wider so wit.

We hunderti Chind und Erwachseni bim Umzug vom Rothuusplatz über de Chreisel bim EWW zum Rabechreisel a de Stross stönd oder mitlaufed, dann isch z Wettige Fasnacht. Am Samschtig, 2. März 2019 isch es wider so wit. Ab de Eis am Mittag werded uf em Rothuusplatz d Nummere usegeh. De Start vom Umzug isch um Viirtelabzwöi und nach ere Stund dörfd de Umzug öppe vorbi si.

Ab em Halbiviiri isch dann de Chinderball i de Turnhalle und um Halbiföifi isch d Rangverkündigung vo de Koschtüm.

Im und, je nach Wetter, vor em Fäschtzält cha me sich verpfläge.