Am Sunntig, 17. Februar 2019 improvisiird de Benjamin Guélat i de reformiirte Chile uf de Orgle zum Stummfilmklassiker vom Buster Keaton. Um Sächsi am Abe gohds los.
Im Meischterwerch vom Buster Keaton us em Johr 1928 sind verschidnigi Gschichte mitenand verwobe. Zwöi rivalisiirendi Bootskapitän uf em Mississippi, e schwirigi Vater-Sohn-Bezihig und als Tribfedere vom Filmgscheh e schiir unmöglichi Liebesbezihig, wo alles durchchrüzt.
De Benjamin Guélat, Dom-Organischt vo de St. Urse-Kathedrale z Soledurn, hets Fingerspitzegfüehl, passend zu de Szene di richtig Musik z spile.
Zu dem ussergwöhnliche Filmabe, wo kei Iitritt choscht, sind Jung und Alt härzlich iiglade.
Reformiirti Chile, Etzelstross 22, 17. Februar 2019, um Sächsi am Abe.