Rund um de Verkehrskreisel bim Meloneschnitz wird sit Woche an ere noie Signalisation mit Liechtsignal gschaffed. Zumindescht eis Schild git ois z denke.
Wer regelmässig vom Brückekopf Ost oder über d Schartestrass Richtig Ännetbade fahrt, dem sind die noie Signalisatione sicher scho ufgfalle. Ob sich d Vercherssituation dete verbessred, wenn d Liechtsignal dann emol iigschalte sind? Mir glaubed no ned dra.
Aber würkli z denke git ois es Verchersschild, wo em Vercher vom Kreisel Richtig Wettige sell helfe, richtig iizspure. Am Aafang isch für di linki Spur, wo zu de Schartestrass führt es LKW-Fahrverbot signalisiert gsi. Au am Abe, i de Nacht und am Sunntig, wenn d Strass ned numme für LKW, sondern für alli Motorfahrzüüg gschperrt isch. Sit kurzem isch nümm es LKW-Fahrverbot signalisiirt, sondern de Wäg Richtig Wettige und das au am Abe, i de Nacht und am Sunntig. Us oisere Sicht isch das, zumindescht für Uswärtigi, sehr verwirrend. Me spurt links ii und muess dann wegem Fahrvebot entweder d Spur wächsle oder – falls me d Signalisation ned gseht oder si ignoriird – mit ere Buess rächne.
Ob di Signalisation unbedacht gwählt worde isch oder d Stadt Bade d Kasse wot ufbessere??