Bi de hütige Abstimmig über s Budget 2019 het es e sehr dütlichi Mehrheit aagnoh. Anderscht wi z Bade, wos Budget abglehnt worde isch, isch dismol kei Stüürerhöhig notwendig gsi.
Aafangs 2018 het Wettige keis gültigs Budget gha. De Grund isch damals e Stimmrechtsbeschwerde gsi. Im 2019 gsehts ganz anderscht us. S Wettiger Budget, wo de Iiwohnerrot im Vergliich zu de Vorlag vom Gmeindrot sogar no erhöht het, isch numme vo 777 Stimmende abglehnd worde. 4965 hend es Ja im d Urne glegd.
In de Stadt Bade isch s Budget, wo e Stüürerhöchig vo 92 uf 97 % vorgseh gha het, mit 3461 Nei gegenüber 2752 Ja-Stimme abglehd worde.