Bombedrohig bim Manor

Z Bade isch hüt am Vormittag de Manor gruumed und de Schlossbergplatz abgschperrt worde. D Polizei bitted d Absperrige z respektiire.

Was sich scho durch Facebook-Poschts verbreited het, het d Kantonspolizei (Kapo) bestätiged: Bim Manor isch am Donnschtig, 1. November 2018 am Vormittag e Bombedrohig iigange. De Aaruefer sig en Maa gsi, so d Info an d Medie.

D Polizei het s Gebäude evakuiirt und au de Schlossbergplatz und aagränzendi Gebäud hend vo de Bewohnende und Arbeitende müesse verlah werde. Betroffe sind meh wi hundert Lüt. De Schlossbergplatz bliibd bis uf witeres gschperrt und Polizei durchsucht de Manor um entweder d Bombe z finde oder Entwarnig chönne z geh.