Hüt, Mittwoch, 19. September 2018 wird’s Pikett 2 vo de Füürwehr bim Hotel Sonne en Üebig abhalte. Kurz ab de Halbiachti am Abig gohts los.
24 Stund an 7 Täg i de Woche isch d Füürwehr parat, um für oisi Sicherheit z sorge. Um im Ernschtfall dann würkli parat z si, üebed d Frau und Männer vo de Füürwehr regelmässig an verschidnige Objekt z Wettige. Hüt am Abig isch e Glägeheit e settigi Üebig aazluege. Si finded a de Landstrass 131 statt und beteiliged isch s Pikett 2. A de Schuelstrass und de Märzegass cha es us dem Grund zwüsche Halbiachti und Halbizähni am Abig zu Behinderige cho. D Füürwehr und d Regionalpolizei, wo de Vercher werde regle, werded druf achte, dass d Strass jederzit z befahre isch, aber es cha natürli zu Verzögerige cho. Zueschauerinne und Zueschauer sind willkomme, sette de Füürwehrlüt aber nöd im Wäg stah, sondern vo de andere Strassesite her bzw. in de vo de Füürwehr zugwisene Bereich us zuluege.