De FC stoht uf em 2. Tabelleplatz

Di 1. Herremannschaft vom FC Wettige het zum dritte Saison-Match uswärts gege de FC Olte müesse aaträte. De Match isch an Dramatik kaum z überbiete gsi, bsunders in de letschte 15. Minute.
Eis vorneweg: Mir sind nöd derbi gsi, bim Match vom Samschtig, 25. August 2018 um Drü am Nomittag. Aber scho d Ziite, in dene d Goal gfalle sind, lönd öppis vo de Dramatik erahne, wo d z Olte wär mitzerläbe gsi. In de 20. Minute isch Wettige durch es Goal vom Labinot Osmaini 0:1 in Führig gange und so isch es au bis zu de Halbziitpause blibe. Bald nach em Sitewächsel het Olte chönne zum 1:1 usgliiche (47. Minute, Blerim Bekteshi), aber scho zwöi Minute schpöter het de Brian Bosshard d Wettiger wider in Füehrig brochd. Wer nach em 1:3 durch de Kürsat Kiybar in de 80. Minute gmeind het, de Siig sig jetzt e sicheri Sach, het sich tüüschd. In de 83. Minute het wider de Blerim Bekteshi für Olte troffe und in de 85. de Hazir Zenuni zum 3:3. In de 4. Minute vop de Nachspiilziit het dann de Kürsat Kiybar d Wettiger Mannschaft und Fans «erlösd», mit sim Träffer zum 3:4-Endtand. Di wichtige Uswärtspünkt hend de FC, zumindescht vorübergehend, uf de 2. Platz brochd. (Usstehend isch no en Match vom FC Dietike, wo Wettige vom 2. Platz uf de 3. chönnd verdränge.)