Spaziirgang entlang em Kulturwäg Limmig

Zum 700. Geburi vo de Eidgnosseschaft hend d Gmeinde Wettige, Noiehof und Bade en Usstellig vo Freiliecht-Skulpture uf d Bei gschtellt, wo dann zum Kulturwäg worde isch. Am 25. Auguscht wird de Ruedi Sommerhalder, en exzellenter Kenner vom Kulturwäg, bimene gführte Spaziirgang vili Skulpture erkläre.
Wem sind di Skulpture a de Limmig no nöd ufgfalle, wo uf beidne Site vom Fluss d Spaziirgänger überrasched. Zwüsche de Holzbrugg z Wettige vo de Holzbrugg Bade finded sich meh wi 20 Skulpture, wo einen erfroie, ärgere inspiriire oder kopfschüttelnd zruck lönd. Ned jedi gfalld jedem. Und mengisch bruuchds au e chli Informatione, um z verstoh, was d Künschtlerinne und d Künschtler dazue inschpiriird het, es Kunschtwerk so z gschtallte, wi es isch. Faschd alli sind durch den Standort inschpiriird worde, an dem si stönd.
De themtisch Spaziirgang vom Samschtig, 25. Auguscht 2018 wird vo de EVP Wettige-Limmattal organisiirt und führd inneme 2-stündige Spaziirgang vo de Holzbrugg Wettige an einige vo dene Kunschtwerk vorbi. De Ruedi Sommerhalder wird di jewilige Kunschtwärch in de gschichtlich-kulturell-wirtschaftliche Kontekscht vom urbane Ruum, i dem si sind, iibette. Nach em Spaziirgang sind alli Teilnehmende zumene Apéro in de Chloschtergärtnerei iiglade. D Teilnahm isch koschtelos, us organisatorische Gründ isch aber en Aameldig erwünscht (per Mail: fischerlamprecht(at)gmail.com, per Telefon: 056 534 40 63)