De 1. Auguscht isch in Sache Füürwerk und Füür en bsundere gsi, währned d Bundesfiir vo de Gmeind im normale Rahme gloffe isch. Fäschtredner isch wi immer de höchschti Aargauer gsi, de Grossratspräsident.
Mit Spannig erwartet hend mir, wi d Chuchimanne werde s Risotto choche, wenn s Füüre mit Holz verbote isch. Usgwiche sind si uf d Jungwachtchuchi, wo mit Gas betribe wird. So sind di – trotz heissem Wetter -zahlriiche Fäschtbsuecher gliichwohl satt worde. De Grossratspräsident Bernhard Scholl het in sinere Aasproch uf d «Heimat» Bezug gnoh und sehr gschichtsbezoge gred.
Ganz anderscht wi schuscht, isch de Abig und Nacht gloffe. S Füürwerksverbot isch guet iighalte worde und u.a. uf Facebook hets vili begeischterti Reaktione geh und au in Läserbrief im Badener Tagblatt isch uf de Vorteil für vili Huustiir higwise worde.
