Jedes Johr isch z Wettige einisch de Circus Knie z Gascht. Morn und übermorn isch es wider sowit.
Scho am Donnschtig isch d Rampe zum Entlade vo de Iisebahnwagon ufgschtellt worde und uf de Zirkuswise hets erschti Vorbereitigsarbeite geh. Hüt, Mentig, 4. Juni 2018 sind dann ab de Föifi am Morge d Wagon abglade worde. Au de Ufbau vom Zält het hüt stattgfunde. Morn am Abig wird dann alles parat si für di erscht Vorstellig. Insgsamt finded z Wettige drü Vorstellig statt: Am Tsischtig um Halbiachti am Abig, und am Mittwoch um Drü am Namittag und ebefalls um Halbiachti am Abig.