Sit öppe 16 Jahr politisiirt s Forum 5430 z Wettige. Sit s Forum im Iiwohnerrot isch, bilded es zämme mit de EVP e Fraktion. Das wird so bliibe, wi d Fraktion mitteild.
Am Donnschtig isch di erscht Sitzig vom Iiwohnerrot und nadisnah isch z verneh, wi di verschidnige Parteie und Fraktion sich für d Legislatur ufstelle. Mir hend scho über di noie Fraktionspräsidentinne vo de FDP und de SVP brichted und hend jetzt us em Fraktionsbricht vo EVP/Forum 5430 chönne entneh, dass beidi witerhin zämme e Fraktion werde bild. Präsidentin wird d Marie Louise Rienert bliibe, wo das Amt sit em 2012 usüebt.
Antworten
Du musst angemeldet sein, um einen Kommentar abzugeben.