Au z Wettige hets Sturmschäde geh

S Badener Tagblatt und anderi Medie brichted, welli Sturmschäde es am Mittwoch, 3. Januar 2018 in de Schwiiz durch de Sturm «Burglind» geh het. Au bi ois z Wettige isch d Füürwehr im Iisatz gsi.
Uf oiseri Frog uf Facebook, wer Sturmschäde gshe het, hend mir einigi Rückmäldige übercho. So hets zum Bispil uf em Alte Fridhof en Baum entwurzlet, bi öppe isch de Gartehaag weg gfloge und a de Alberich Zwyssigstrass isch bi Hochhuus d Blache so wit abgrisse, dass d Füürwehr us Sicherheitsgründ d Strass für de Verkehr einigi Stund gschperrt het.
Bsunders blöd umgheit isch en Baum bim reformiirte Chilegmeindhuus. Er hets Dach beschädiged und het müsse mit eme Krane aaglupft und neben Chilegmeindhuus müesse abgled werde. Dank em grossartige Iisatz vo de Füürwehr und em Kranwagechauffeur halted sich de Schade in Gränze, wenn er au no nöd genau het bestimmd werde könne.

Ersten Kommentar schreiben

Antworten