Im 1456 isch di erscht Hirsebreifahrt gsi. Sit em 1946 finded si alli 10 Johr statt, also au i dem Johr.
D Hirsebreifahrt vo Züri uf Strossburg het zum erschte Mol im 1456 stattgfunde. D Zürcher hend de Stossburger welle zeige, dass sie innerhalb vo 24Stund chönnted da si, zum d Stadt mit z verteidige, wenns nötig wär. Zum Bewiis, dass si schnell sind, hend si en Topf mit Hirsebrei debi gha, wo z Stossburg no warm gsi isch.
120 Johr spöter, im 1576, het ne di Fahrt no einisch gmachd. Di Tradition isch im 1946 wider ufgnoh worde und find all 10 Johr statt. Numme d Fahrt vom 1966 het ned stattgfunde, dodefür isch me im 1967 gfahre.
Jetzt staht si wieder vor de Tür! Am Mittwoch, 19. August 2026, wird d Limmig uf de erschte Etappe vo Züri uf Ännetwettige wieder in es läbendigs Geschichtsbuech verwandled.
Bsunders de Abschnitt vo Wettige bis in d Bademer Aue verspricht de Zueschauer am Ufer en einmalige Aablick.
Gege Viertelvorvieri am Namittag werded d Boot vom Limmat-Club Züri bim EWZ-Chraftwerk Wettige erwartet, wo d Durchfahrt mit de Schiffstransportanlage, de Willkommensgruess und e churzi Rast uf d Mannschaft warted. Mit gschicktem Ruderschlag meischteret d Besatzige denn gege di 5i s Dammsau-Wehr über d Rollebahn – hoffentlich in Begleitig vo veelne Zueschauer am Ufer.
Gege die Halbisächsi wird de bem Stauwehr Aue z Ännetwettige agleit. Döt wartet de offiziell Willkommensgruess vo de Zunft zu Sankt Cordula.
Nach em Empfang am Flussufer zieht d Gsellschaft gege die Halbisibni imene fäschtliche Umzug durch d Altstadt zum Cordulaplatz. Gege die 7i folgt de offiziell Empfang und Apéro uf em Cheleplatz. Gmeinsam mit Vertreter vo de Stadtregierig, de Zunft zur Sankt Cordula, em Iiwohnerrat, em Limmat Club Baden und de Bademer Bevölkerung chönned Gäst und Iheimischi ufs Glinge vo de wietere Etappe anstosse. Gege di 8i am Abe marschiert de «Cortège» witter in Richtig Oberstuefezentrum, wo de abwechsligsriich Tag bimene gmeinsame Nachtessen usklingt.
Meh Informatione und vorallem s ganz Programm findet ihr uf dere Huus-Sitte: https://www.hirsebreifahrt.ch/willkommen.html