Z Ännetbade isch am Sunntig, 2. August 2026 en Töfffahrer gstürzt. D Kantonspolizei suecht Augezüüge.
De Unfall, für den d Kapo Augezüüge suechd, isch am letschte Sunntig gehe di Viertelabföifi am Namittag gsi. En 43-Jährige isch mit sinere Harley uf de Äredingerstross z Ännetbade Richtig Äredinge unterwegs gsi und isch gstürzt. Ersthelfer hend ihn bewusstlos gfunde und bis zum Iiträffe vo de Ambulanz betroit. Wege de schwere Chopfverletzige isch de Verunfalti mit eme Rettigshelikopter ins Unispital Züri gfloge worde.
De Töfffahrer isch schints ohni Fremdiiwirkig zu Fall cho. D Staatsanwaltschaft het e Bluet- und Urinprob aagordnet. Wil d Ursach für de Sturz und de genau Hergang vom Unfall unklar isch, suecht di Mobil Polizei z Schafise (Telefon 062 886 88 88 / mobilepolizei@kapo.ag.ch) Augezüüge.