Lüt, passet uf bim Fäschte! Aktuell gilt bi eus d Gfahrestuef 4 (grossi Gefahr) für Waldbrand. Das heisst, es git strenge Iischränkige für Füuerwärk u Füür.
Aktuell sind Rakete, Batteriee, Böller und römischi Cherze verbote. Alles, wo unkontrolliert dur d Luft flügd oder Funke wiit treit, isch wäge de Trockeheit absolut tabu.
Im Wald und am Waldrand isch s Füüre läverbote. En Abstabd vo 200 Meter zum Waldrand isch iizhalte!
Himmelslaterne sind im Aargau eh s ganz Johr verbote.
Füürwärk isch am 1. August nach de aktuelle Regle numme zwüsche de 1 am Mittag und Mitternacht erlaubt. Wäge de Stuefe 4 bi de Waldbrandgfahr gilt aber, dass numme Bodesachen mit gringem Funkewurf und das au nur uf steinigem/befestigtem Untergrund (z. B. Teer, Beton, grossi Plätze wiit eweg vo Wiese u Wald) erlaubd sind. Au Bodenwirbel & Chliifüuerwärk (Kat. F1/F2) sind aktuell erlaubd, solang si am Bode bliibid u kei Funkenräge uf trochenem Gras und Büsch verteiled. Au Vulkane & Zuckerstöck sind aktuell erlaubd, solang si uf me feschte, nedbrennbare Untergrund stönd u gnueg Abstand zu trochenem Gras und Büsch händ. Tischfüuerwärk & Wunderchertze sind im Momänt ebefalls no ned verbote.
Wichtig isch au, d Chind nie unbeufsichtigt z lah und immer en Chübel Wasser oder en Füürlöscher parat z ha. Wenn d Trocheheit no witer zuenimmt, cha au si, dass d Gmeind oder de Kanton bis zum 1. August no es absoluts Verbot usspräche – drum kurz vorher no schnell uf https://repol-wettingen-limmattal.ch/ luege!
Vill Spass beim Fäschte u bliibed sicher!