Nacheme emotionale Abstimmigskampf hend d Stimmürger vo Wettige d Spezialzone « Berg» gnehmiged. D Stimmbeteiligung isch mit 58.1% höch gsi und es Ergebnis mit 52.58 % Ja und 47.42 % Nei chnapp, aber für manchi dütlicher als erwartet.
Nach em chnappe Nei im Iiwohnerrot het d Margrit Wahrstätter, ehemoligi Leiteri vo de Heilpädagogische Schuel, s Referendum gege de Entscheid vom Iiwohnerrot ergriffe. Unterstützt vo de EVP und eme politisch breit abgstützte Pro-Komitee, mit insgsamt föif alt Iiwohnerrotspräsidente, het sie en engagierte Abstimmigskampf gführt. Aber au s Nei-Komitee, wo sich nach em Zstandcho vom Referendum bild het, isch aktiv gsi. Sie hend sogar plakatiert.
Zum Schluss hend 3’718 Stimmberechtigti für d Spezialzone « Berg» gstumme, und 3’353 degege. Baue cha d Stifitg «Begegnung mit Tieren» dodemit aber no ned. Hüt isch numme über d Zoneplanänderig abgstimmt worde.