Nachdem Corona de traditionell Aalass vom SSV in de letschte Johr verhindered het, het es im 2023 chönne stattfinde. Gwonne het d Isabelle Berz.
Einisch im Jahr veraastaltet de SSV sis Cupschüsse, zu dem nebe de Vereinsmitglieder au Verträter vo de Gmeind iiglade si gsi. So sind am Samschtig, 29. April di beide Gmeindröt Sandro Sozzi und Markus Haas und de Iiwohnerratspräsident Lutz Fischer-Lamprecht debi gsi. Gege di, wo regelmässig im Schiesstraining sind, het d Gäscht im K.O.-System aber kei Chance gha.
Di verdient Gwünneri isch, bi ned ganz eifache Winderverhältnis, d Isabelle Berz gsi, wo in allne Duell konstant super Ergäbnis gschosse het und sich im Final gegen de Roland Hartmeier het chönne duresetze. Dritte isch de Peter Schaffert worde.