Es esch weder so wit. Au das Johr werded a diverse Ort Christbäum verchauft.
Tratitionell esch KAB uf em Rathuusplatz be de grosse Tanne aaztreffe. Det send Nordmanntanne, Blautanne und au die klassischi Rottanne im Aagebot. D Bäum chömmed all us de nöchere Region, send also ned med Lastwäge, eng a eng zämebunde vo wittwegg uf Wettige brocht worde.
De Erlös vo dene verchaufte Bäum gohd zu je eme Drittel ad Arwo, ad Mission Brücke – le Pont und anderi. Göffnet isch de Christbaumverchauf vo KAB vom 10. Dezember bis am 23. Dezember (wenn’s no Bäume hed, je nach dem au no am 24. Dezember=;O), Mändig bis Fritig 9.00-12.00Uhr + 13.30-18.30Uhr, am Samschtig 9.00-17.00Uhr
En wittere beliebte Christbaum-Verchauf esch de von de Familie Benz uf em Ziegelhof a de Landstross 227. De findet das Johr am Samschtig 11. Dezember zwüsche 10 Uhr und 18 Uhr statt. Christbäum send natürlich ab sofort scho erhältlich uf em Ziegelhof!
Nebe dene zwoine Ort get’s natürlich au Möglichkeite uf em Lüscherhof a de unter Geisswiesstross direkt ab Hoflade go Christbäum go chaufe.
Au de Peter Steimer a de Fohrhölzlistrasse (uf de andere Sitte vo de Bahngleis, bem Gartebad), verchauft sini eige-ufzogne Christbäum vom Feld weg, am Samschtig 17. Dezember, vo 9 bis 12 Uhr, das med Füürstell, Glüehwy und Chueche. De Wystern esch das Johr a de Rebbergstross ah z treffe zur Degu.
Au ab 10. Dezember a de Schartestross, nebem Pfarreiheim, au direkt vom Hof, be de Migros a de Landstross, bem Coop im Tägipark, uf em Zentrumsplatz, und und und…..
Uf jede Fall veel Vergnüge bem Ussueche vom schönste Christbaum.