De Hockeyclub Rotwyss Wettige het scho einigi europäischi Turnier erfolgrich organisiert. Vo Karfritig bis Ostermentig isch im 2023 s nächschti z Wettige.
D EuroHockey Club Trophy 2023 wird z Wettige stattfinde. De Hockeyclub Rotwyss het de Zuschlag übecho und dörf das internatipnale Turnier usrichte. Vom 7. bis zum 10. April 2023 werded acht Teams um de Sieg vo de Club Trophy spiele, em höchschte Europacup unterhalb vo de EHL. Au d Gruppe stönd scho fescht, wo in de Vorrunde gegenand aaträte. D Schwiizermeischterinne vo Rotwyss hend d Mannheimer Hockeyclub (D), de Hampstead & Westmindester HC (ENG) und d IH Lambersart (F) i de Gruppe. In de andere Gruppe treted MSC Sumchanka (UA), KHC Dragons (B), H.F. Lorenzoni (I) und de HC 1972 Rakovnik (CZ) gegenand aa.