Scho sis halbe Läbe stoht de Paolo Ghitt in de Backstube. Jetzt het er als de jüngst Absolvent schwiizwit mit 23 d Bruefsprüefig «Chef Bäcker-Konditor-Confiseur» in de Fachrichtig Bäckerei bestande.
Als ältere Sohn vom Pierluigi Ghitti, em Gründer vom Beck «Spitzbueb» het de Paolo s Bache im Bluet. Gliichwohl cha er Stolz si, uf das wo er erreicht het: Scho mit 11i het er als Ushilf z Dättwil in de Backstube gstande, mit 18i het er sin Lehrabschluss im Spitzbueb gmachd und het die noi eröffneti Filiale z Rütihof übernoh, in de Zwüscheziit isch er meischt z Wettige im Spitzbueb aazträffe. Aber au di bestandeni Prüefig zum «Chef Bäcker-Konditor-Confiseur» isch numme en Zwüscheschritt. Im nächschte Johr chunnd dann di höcheri Fachprüefig zum Betriebsleiter.
Stolz isch au sin Vater, de Pierluigi Ghitti uf sind Sohn, was in de Mediemitteilig, wo de Spitzbueb het lah verschicke dütlich wird, zumal numme ein Drittel vo de >Teilnehmende d Prüefig bestande hend.