Im 2018 het di erscht «Kunst Schau 5430» stattgfunde. Sit em 2020 find si ned numme in de Galerie im Gluri Suter Huus (GSH) statt, sondern au im Museum Eduard Spörri (MES).
D Jahresustellig vo de Kunstschaffende vo Wettige het sich längst etabliert. Jewils im Dezember eröffned d Kunstschau und d Aazahl vo de Teilnehmende het sogar no zuegnoh. So dörft en Blick in d GSH und ins MES lohnend si.
D Vernissage isch am Sonntig, 12. Dezember um 11i vor em Gluri Suter Huus. Rede werded de Philippe Rey (Gmeindrat und Präsident vo de Kulturkommission), de René Bosshard (Präsident vom Stiftigsrat Museum Eduard Spörri), d Sarah Merten (Leiteri vom Gluri Suter Huus) und de Marc Philip Seidel (Kurator vom Museum Eduard Spörri). Musikalisch sind de Mattia Facchini (Saxophon), de Christoph Gebhard (Kontrabass), de Armando Chappuis (Gitarre) debi.
In de Usstelligshüser gilt Zertifikat- und Maskenpflicht.
D Öffnigszite finded sich uf de Website vom GSH.
Insgsamt sind 232 Kunstwerken vo 69 Kunstschaffende in de beide Hüser z gseh. Mit derbi sind:
Marzell Ackermann, JOKU Aebi, Esther Amrein, Kathy Anderegg, Annemarie Auer, Tatsiana Aybay, Beatrice Bächli, Vanessa Bachmann, Marianne Badertscher, Walter Benz, Brindarica Bose, Edlyn Brucker, Ursus Busslinger, Christa Camponovo, Rosangela De Andrade Boss, Lutz Fischer-Lamprecht, Sara Forsberg, Larissa-Katharina Frei, Christov Frey, Cornelia Fröhlich, Furyherz: Gabi Fuhrimann, Christian Herter, Dunja Galovic, Dominique Eliane Girod, Christian Greutmann, Renata Hägni, Jeannette Hasler-Gobbi, Silvia Hintermann-Huser, Anna Barbara Hochstetter, Adrian Hochstrasser, Ria Hochstrasser, Virginia Holliger-Santos, Theodor Huser, Eva Iselin, Maria Kaegi, Irene Karpiczenko, Ursus Kaufmann, Markus Kuhn, Vasileva Leveque, Gruppe Ligna, Fatou Lô, Bruno Lussi, Bernhard Meier, Rosmarie Meier, Stefan Meier, Ines Mühlemann, Walter Nehoda, Martha Nussbaum, Peter Nuttli, Elisabeth Pečar, Manuel Pörtner, Alexander Rietmann, Ruth Rietmann, Merice Rüfenacht, Lukas Salzmann, Ines Schneider, Nicole Schröder, Jörg Schumann, Gaby Senn-Übersax, Smita Srikantaswamy, Susanne Trottmann, Tsunshan, Lorena Valentini LOVA, Sonja Voser, Fredy Wächter, Odile Werner, Roger Wessner, Ueli Wieland, Judith Wulz, Agnes Wüthrich.