Am 28. November 2021 chunnds zum Duell um s Amt vom Gmeindamme. De Andrea Bova und de Roland Kuster kandidiered.
D Mediemitteilig, wo de amtierende Gmeindamme, de Roland Kuster hüt am Vormittag a d Medei verschickt het, zeiged dütlich, dass sich de Roland Kuster ned kampflos wot gschlage geh. Er verwist ufs Härzbluet und s Engagement, mit dem er sich sit vilne Johr für Wettige duet iisatze. «Ich bin ein Mensch aus Fleisch und Blut, mit Ecken und Kanten – dazu stehe ich», schribt er. Er het vili motiviere di Rückmeldige us de Bevölkerig, de Partei und de Institutione übecho, schribd er witer, wo ihn bestärkt hend, mit de gliiche Konstanz und em gliche Elan d Büez fortzsetze.
Vom Andrea Bova hend mir kei Mediemitteilig (und au kei Foti) übecho, hend aber uf sinere Facebooksite en Bitrag gfunde, wo er sini Kandidatur bestätiged.