Am Samschtig, 27. Februar 2021 esch di nächscht Papier-und Kartonsammlig. Statt de Pfadi wird si vo de Obrist Transport+Recycling AG duregfüehrt.
Ab em Sibni am Morge werded Aagstellti vo de Fa. Obrist z Wettige unterwägs si, zum Papier und Karton iizsammle.
Beides müess trännd vo enend und in guet verschnüürte Bigeli vo nöd meh wi 5 kg a de Strass stoh. D Schnür sete us Naturstoff wi öppe Hanf si. Plastik-, Draht oder Klebbandverschnürige sind verbote. Au Altpapiir in Tragtäsche isch nöd erwünscht, will es Lüt git, wo Huuskehricht drunter schmuggle, was s Recycling vom Papiir und em Karton schwer beiiträchtiged.
D Pfadi, wo ursprünglich d Sammlig het welle dureführe, verzichted wege de aktuelle Lag uf d Durchfüehrig.