Di reformiert Chilepfläg het en Immobiliestrategie usgschaffed, wo si am Tsischtig, 17. März 2020 de Mitglider vo de Chilegmeind het welle vorstelle. Wegem Coronavirus isch de Aalass jetzt uf unbestimmti Zit verschobe worde.
Sit über zwöi Johr isch e Fachgruppe vo de Chilegmeind am schaffe, het im Herbscht de Chilepfläg ihri Ergäbnis präsentiert und di het uf dene Grundlage en Immobiliestrategie entwickled. Damit d Chilegmeind di Strategie breit diskutiere cha, het d Chilepfläg zumene Infoabe am nächschte Tsischtig iiglade gha.
Der Infoabe hetti de Startschuss für en längere Diskussionsprozess selle si, wird jetz aber wegem Corona-Virus verschobe. De noi Termin stoht no ned fäscht und wird erscht fixiert, wenn s Ändi vo de Coronawelle absehbar isch.