Rotwiiss gwünnt di erschte beide Match

D EuroHockey Club Trophy, Men laufd sit geschter uf de Bernau. Rotwiiss isch fulminant gstarted.

Im Vorfeld isch de Ligaerhalt s Ziil vo Rotwiiss gsi. Das Ziil müessd nach oise Berechnig erreichd si.

Geschter, Fritig, 7. Juni 2019, hets gehe d Portugise us Lissabon zuerscht gar ned guet usgseh. 0-2 sind di Rotwiisse hintegläge, hend aber de Match no chönne kehre und hend zum Schluss d Nase mit 4-3 vore gha.

Di stärker iigschätzte Ire vom Glennane HC hend nach em geschtige Remis gege Brest (Belarus) unter Zugzwang schtande und hend scho am aafang dütlich gmachd, dass si de Match wette günne. In Füehrig gange isch aber s Heimteam. Trotz em vorübergehend Usgliich het Rotwiiss de Siig aber ned us de Hand geh. Zum Schluss sind d Wettiger mit 3-1 als Siiger vom Platz.

Morn isch dann de letschti Match im Pool A gege Brest, bevor es am Mentig zu de Finalspiel chunnd, wo Wettige bi eim vo de beide letschte wird aaträte.