Wi mir scho brichted hend, het es am Mittwoch, 29. Mai 2019 en Raubüberfall uf de Migrolino am Bahnhof geh. Jetzt ligd e Täterbeschriibig vor.
Es isch kurz ab de Föifi am Abe gsi, wo de Täter de Lade am Bahnhof beträte het. Es sind au Kunde im Lade gsi, wo de öppe 180 bis 185 cm grossi Maa hinter de Trese isch und de Aagstellti vom Migrolino miteme Messer bedroht het. Ohni vil Wort het er dütlich gmachd, dass er Geld wot und het de Inhalt vo de Kasse mitgnoh. Vermummt gsi isch er miteme orange Tuech, het en wyroti Kaputzejacke aagha, schwarzi, witi Hose und Adidas-Turnschueh. Lut Augezüüge isch er miteme Mountainbike Richtig Bade davo gfahre. En sofort iigleitedi Fahndig isch erfolglos blibe. D Kapo Baade suecht Augezüüge, wo de Täter vor de Tat oder uf de Flucht gseh hend. Bitti melde unter Telefon 056 200 11 11.