A de letschte zwöi Wochenänd het me z Wettige immer emol wider Fraue im Dirndl und Manner in Lederhose gseh. … Uf em Wäg zue oder vo de Früehligswies’n.
D Alexsandra vo de «Wies’n Events» beschriibd es eso: «Höhepünkt sind sicher Trychlergruppe Dietikon xi wo en mega geile IIzug gmacht het inkl. Traktor, Ehrendamen und Geisslechlöpfer, de Fassahstich mitem Gemeindeammann Roland Kuster, de Bligg wo spontan sis «Rosalie» live vor Ort gsungä het, dä Tambourenverein Wettingen wo sich uf dä Bühni het derfä präsentiere, eusi geniale Oktoberfest Bands wo richtig iigheizt hend und eusäs unfassbar tolle Gastro-Team wo am Ändi au nah mit eusne mega Gäscht es Liedli gsunde het. Au susch isches würkli es wunderschönes Fäscht xi, mit durch und durch positivem Feedback und es hinterlaht au bi eus Erinnerige mit magische Moment und Gänsehuut-Stimmig.»
Au d Bilder, wo vo allne mögliche Lüt in de Soziale Medie teild worde sind, vermittled en positive Iidruck: Säuliränne, Musik, Ässe, … und Wyss-Blau.