Hend ihr scho emol drüber nochedenkd, wi ihr (oder oiri Eltere) chönnted Ferie mache, we ihr langsam gebrechlich werded. Oder wenn ihr plötzlich allei müend durchs Läbe gah?
Di ökumenische Senioreferie chönnted di passend Antwort si:
GMEINSCHAFT… so oft ihr wend
ZIT FÜR SICH SELBER… so oft ihr das wünsched
Pauschalagebot für siebe Täg, inklusive zwöi Nachmittagsusflüg
Bequemi Aa- und Rückreis mit modernem Reisebus
Rücksichtnahm uf d Bedürfniss vo Gehbehinderte – besunders in Bezug uf d Uswahl vo de Hotel und de beide Namittagsusflüg
Härzliches und kompetents Begleitteam, wo siebe Täg lang vom Morge bis am Abe präsent ist: Nebe Turne und witere freiwillige Aagebot werded au Usflüg in chlinere Interessensgruppene und en «Schlusshöck» organisiird und begleited.
D Ferie finded jewils imene geignete Hotel mit Vollpension (EZ oder DZ, Dusche/WC), je nach Ort Wellnessbereich (Oberägeri ZG, Interlaken BE), See-Bad und / oder Freibad (Magliaso TI, Oberägeri ZG, Allensbach-Hegne), Gruppenrum für s freiwillige Morgeprogramm und diversi weiteri hotelinterni Ufenthaltsbereich und Restaurant
In dem Johr führd die Reise a de Bodensee, uf Allensbach-Hegne z Dütschland. Los gohts am Samstig, 24. Auguscht, d Rückreis isch am Samstig 31. Auguscht. We ihr oder oiri Eltere Interesse hend, chönnd ihr oich no bis zum 9. Juni 2019 aamelde. Witeri Infos und d Aameldeunterlage übchömmed ihr bi de Yvonne Keller, Sozialdiakonin vo de reformiirte Chile Wettige-Noiehof, Tel. 056 437 30 33, yvonne.keller(at)ref-wett-nhf.ch oder bim Manuel Bischof, Kirchliche Sozialarbeiter, katholischi Chilegmeinde Wettige und Würelos, Tel. 056 437 08 54