…oder: Multi Mega Show 2019! Am 19. / 20. Januar findet di allzweijährlichi Turnshow vom Dameturnverein Wettige statt.
Über 300 Mitwürkendi us verschiedne Riege, drunder au d Gaschtverein vom STV Wettige und STV Neuehof händ ide letschte Wuche flissig dra güebt, es spannends Showprogramm fürd Zueschauer zämezstelle. Verschiednigi Filmklassiker wie Grease, Harry Potter, Star Wars und vieli meh werded turnerisch und tänzerisch neu interpretiert.
Fürs liibliche Wohl wird dasmol durs Tex Mex Wettige gsorget, und au s Popcorn dörf natürli ned fehle. Am Samschtig gits bide Tombola vieli tolli Priise zum günne (Hauptpriis: 2 Flüg nach Tromsö!) und am Sunntig en Losverchauf. De DTV Wettige freut sich uf vieli turnbegeischtereti ZueschauerInne ide Spiel-und Sporthalle Tägerhard und uf es erfolgrichs Filmfestival!
Samstig, 19. Jänner 2019 / 19.30 – Itritt Erwachseni: 18.- / Chind ab 10i: 10.-
Sunntig: 20. Jänner 2019 / 17.00 – Itritt Erwachseni: 15.- / Chind ab 10i: 7.-
Specialtickets: Itritt für 2 Persone plus Iladig an Ehregaschtapéro: 100.-
Türöffnig isch jewils 1,5h vor Showbeginn.
Meh Infos: dtv-wettingen.ch