D Schwiizer Damehockeymannschaft het hüt im Tägi gege Südafrika verlore. Es isch de erschti vo füf Match gsi. Morn und übermorn treffed d Mannschafte z Basel und z Lozärn je zweimol ufenand. D Hockeyspilerinne vo Südafrika sind zur Ziit i de Schwiiz. Bevor si hüt de erschti Match gege d Schwiiz gschpilt hend, sind si geschter im Tägi gege RotWyss aträte. Daderbi hend d Gäscht 4:5 verlore.
Ganz anderscht isch es hüt, Donnschtig, 10. Jänner 2019 im Tägi glofe. Es isch de erschti Match vonere 5er Serii gsi, spiled beidi Teams doch au morn um Eis am Mittag und um Halbiachti am Abe z Basel gegenand und am Samschtig um Zwöi und um Halbiachti z Lozärn.
D Südafrikanerinne hend vo Aafang aa zeiged, dass si de Match wend günne. In de erschte paar Minute hend d Schwiizerinne no guet mit möge, aber dann eht es immer wider Phase geh, wo d Südafrikanerinne dütlich dominiirt hend. Ufgeh hend oisri Dame gliichwohl ned und sind nacheme 4:0-Rückstand zum Aaschlussträffer cho. Zum Schluss hets 5:1 für Südafrika gheisse. D Dame hend jetzt no viir Match vor sich, wo so chönd zeige,w as in ihne steckt.
Aber wi au immer: De Match isch us oisere Sicht sehenswert gsi und mir hend für oich e paar Iidrück:
