De FC stoht uf em 2. Tabelleplatz

Am Samschtig, 22. September 2018 isch de FC Muri im Stadion Alteburg z Gascht gsi. Vor em Match sind beidi Teams punktgliich gsi, danach nümm.

Es isch schints en super Match gsi, wo de FC Wettige am Samschtig bote het, so d Rückmeldig vo Zueschauer. Kurz vor de Halbziitpause (42′) sind d Wettiger durch es Goal vom Kürsat Kiybar mit 1:0 in Führig gange. Den Vorschprung hets Team im heimische Alteburg bis zum Schlusspfiff chönne halte und stoht jetzt mit 16 Pünkt us sibe Match uf em 2. Platz vo de Gruppe 5 vo de 2. Liga interregional.