Am Fritig, 22. September 2018 het sich z Wettige en spektakuläre Uufall ereigned. De Schade ligd bi öppe 100’000.- Franke.
Gege di Halbisächsi am Abig isch bi de Notruefzentrale es Telefon iigange, wo d Kapo über de Uufall informiirt het. Am Uufallort hend di ufbotene Polizischte dann en Traktor mit Ladewage vorgfunde, wo in es Iifamiliehuus gfahre isch. Nach de erschte Ermittlige het er sich selbständig gmachd gha. Er sig dann über 200 Meter de Hang abegrolld, het en deckte Futterstand, e Hecke und en Zuun überrolld und isch erscht vo de Huuswand ufghalte worde, schriibd Kantonspolizei (Kapo) in ere Mediemitteilig.
Für d Bergig vom Traktor und em Ladewage hend am Samschtig Spezialischte müesse ufbotene werde. Wi sich de Traktor het chönne selbständig mache, isch jetzt Gegestand vo de Ermittlige.