Uf em ganze Gmeindbann gilt ab sofort es Füürwerkverbot

Was für Fründe vom 1.-Auguscht-Füürwerk e schlechti Nochricht isch, froid sicher di meischte Hundebsitzer: Ab sofort isch Füürwerk in ganz Wettige verbote, in und usserhalb vom Sidligsgebiet.

Di eine hends erhofft, anderi befürchtet: Ufgrund vo de aahaltende Trocheheit, wo zueme kantonale Füürverbot im Wald und am Waldrand gführt het, führt jetzt au zum Verbot vo Rakete und andere Füürwerkskörper. S Verbot gilt bis uf witeres und bis es widerruefe wird. D Gmeind betond in ihre Mediemitteilig, dass d Regionalpolizei igrife wird, wenn s Verbot missachtet wird.

Erlaubt sind numme no kontrolliirti Grillfüür im Sidligsgebiet (200 Meter Abstand zum Wald müend iighalte werde). Aber erhöhti Vorsicht isch uf jede Fall aabrochd.