Am 27. Juli 2018 findet au i eusne Breitgrad d Mondfinsternis statt. Es söll die längschti sii im 21.Jahrhundet.
Be eus wird d Mondfinsternis ned ganz zu 100% sichbar sii, aber recht ordentlich. Uf de Charte gsend ihr, wo si wie stark z gseh sii wird.
Be de Mondfinsternis schiebt sech d’Erde zwüsche Mond und Sonne (wie uf em Bild).
Med em Mondufgang ca. 20.59 started das Spektakel am Himmel über Wettige.
Die Totali fangt denn ca. 21.30 Uhr aah … die maxilami Verdunkelig esch ca. 22.21 Uhr .. und die partielli endet öppe um 00.19. Uhr. Zu gueter Letscht esch dennn de Halbschatte öppe um 01.28 Uhr denn verbii.
Ufzeichnige wo sit em Johr 2000 laufed, händ ufzeigt, dass es a dem Tag zu 56% bewökt chönnt sii ..
Denn hoffed mer mol, dass es de Petrus guet meint med de Wettiger und mer das Spektakel guet chönd mitverfolge.
Die nächsti totali Mondfinsternis wird den am 21.Januar 2019 erwartet, die säb esch denn vorallem uf de amerikanische Kontinet gut z‘gseh.
Mer wünsched Allne, wo das chönd mitverfolgen, veel Vergnüege … und je nach dem bechömed mer vo Euch Föteli vo dere Mondfinternis?!