Am Aafang vo de Schuelferie im Sommer isch Lagerziit. Je nach dem sind d Gruppe ei oder zwei Woche unterwägs.
S Sommerlager vo de reformiirte Chilegmeind, wo für 1.-5.-Klässler us Wettige und Noiehof isch, isch am letschte Samschtig z Änd gange. Bi beschtem Wätter hend d Chind es bereits Programm mit Spilie, Wanderig und vilem meh dörfe erläbe.
No unterwegs sind Jungwacht St. Sebastian und Jungwacht und Blauring St. Anton, wo jewilis es zweiwöchigs Lager hend. D Jungwacht St. Sebastian isch z Réclère im Jura, ganz nöch a de Gränze. Bi ihne hets Wätter scho meh z biete gha, wi numme Sunne und Wärmi. U. a. hets einisch kräftig ghagled. D Stimmig isch aber tipptopp.
Jungwacht und Blauring St. Anton sind gmeinsam im Zältlager im Entlebuch. We mir richtig informiird sind, dann hend si bim Ufbau Räge gha, aber schuscht gohts schints tipptopp. De Blog über d Lagertäg finded ihr do.
Au d Pfadi Burghorn isch bis zum 21. Juli im Lager. Uf de Homepage hend mir aber kein Blog gfunde, wo aktuell Uskünft git.