Vom Fritig, 22. bis Sunntig, 24. Juni 2018 sind wider d Wettiger Fuessballtäg gsi. Bim Firmeturniir am Fritig hend 17 und bim Schüelerturniir gschter 38 und hüt 37 Teams um de Turniirsiig gspild.
Scho sit vilne Johr sind bi dene Turniir, wo de FC Wettige im Stadion Alteburg organisiirt, vili Mannschafte am Start. Und bsunders bi de Schüelerturniir, wo klassestufewiis bewerted werde, sind d Emotione usprägd. Au dismol hets im Alteburg vili Träne und grosse Jubel geh, je nach dem, wi d Match usgange sind. Aber zum Schluss hend d Fairness und de Sport im Mittelpunkt gschtande.
Bim Firmeturniir het s Grand Casion Baden gunne, bi de erschte Klasse d 1a Lions, bi de zweite d Fussballstars, bi de dritte d Soccer Snakes, bi de viirte Die unsterblichen Seelen, bi de föifte The perfect Eight und bi de sächste Mr. + Mrs. Pro.
Hiir finded ihr e paar fotografischi Iidrück vom Samschtig und em Sunntig:
https://myalbum.com/album/e5jNNei0Jj1T