Morn, Samschtig,19. Mai 2018 isch d Eröffnig vom Foti-Studio a de Seminarstross. Vo Gratis-Würscht bis Hüpfburg gits fascht alles.
Über d Eröffnig vom Foti-Studio hend mir scho brichted. Jetzt am Samschtig gilts ernscht und gärn teiled mir euch Details mit:
- De Goran Bencun wird -wenns Wetter mitmacht – e Hüpfburg ufstellle für Chinder bis ca. 10-jährig. Vo de Drü am Namittag bis um Sibni am Abig chönts det druf spiele.
- Es git Prise zum Günne. Da dezue müend d Lüüt eifach en Talon usfülle und id Urne werfe. Am Sibni am Abig werded d Gwünner den zoge und grad benachrichtiged.
- Es git Bratwürst, Cervelats und für Lüt wo kei schwiinigs ässed Merguez. Für Vegetarier und Veganer hämmer au öpis vom Grill. Dezue gits verschideni Getränk wie Cola, Wasser, Capri Sonne, Bier, Wisswi, Prosecco, Kaffee und anders. Gratis!
- Deswitere gits en Photo Booth. Das heisst, d Lüüt chönd sich abliechte lah mit verschiedene Accessoires – luschtigi Föteli – und grad s Foti mit hei neh im Format 10×15 cm. Au Gratis!
Eigentlich cha me da numme säge: Wer das verpassd isch selber Schuld.