S Wettiger Wy-Fäscht het Tradition. I dem Johr findets zum 13. Mol statt.
Am Fritig, 31. Auguscht 2018, vom Sächsi am Abig bis um Mitternacht und am Samschtig, 1.September 2018 vom Feufi am Namittag bis Mitternacht findet das Johr s Wy-Fäscht uf em Lindeplatz in Wettige statt. Wie immer präsentiered det eusi Wettiger Winzer ihri Wyvielfalt. Über 50 verschedeni Wy stönd zur Degustation parat. Für’s liibliche Wohl esch das Johr de Nicolas Revyvaud verantwortlich. Ihn kenned die einte und andere veelecht no vo de alte Post her …
D Winzer freued sech uf Eure Bsuech …