De grossi Ansturm uf d Badewiese am Zollhuusweg, zwüsche de Holzbrugg und em Spinnerei-Areal z Wettige, füehrt zo unangenehme Situatione. D Belastig für d Bewohner und d Gschäft rund ume isch höch.
Aktuell sind’s ei, zwoi schöni Wocheänd gsi, wo scho zom Bade i Limmig oder eifach zom Sponnebade iglade hend. De Ort esch i de Natur und esch sit de Pandemie weder vermehrt im Fokus. Au zo de Freistunde under de Woche, wird de Platz gern bruchd, für es Sonnebad, e Pause a de früsche Luft oder e Abchüehlig i de Limmig.
Ab und zue muess mer sech aber au erlichtere und sim «persönliche Gschäft» nochego. Aber blos WO?
Wiit und breit heds niened es «ToiToi» oder öppis i die Rechtig! Us dem Grund wird das «Gschäft» denn irgendwo verrechtet, z.B. in Brunne inne und de med Zitig abdeckt, oder id Gärte i de nöchere Umgäbig. So esch d Idee entstande, öppis degege z unternäh. Under de Aawohner, Gschäfts-Mieter und Gschäftinhaber und au be de Lehrerschaft send uf das abe Unterschrifte gssammlet worde und die send de in grosser Aazahl den au zämecho. Dodemit esch en Antrag bem Kanton Aargau gmacht worde für e suberi Lösig. Update folgt!