Jetzt esch es weder sowit! Am 28. Juni 2026 ab de Elfi am Morge cha mer i 11 Rebhüüsli uf Bsuech go und sech lo verwöhne mit feinem Esse und diverse Wy us em Wettiger Rebberg.
Scho zum 24. Mol laded d Rebuure in d Rebe ii. Au i dem Johr geds vo 10ni bis halbi 1 en Taxi-Dienst ab em St. Sebastian. D Rebhüüslibetrieber freuet sech uf zahlriiche Gäscht.
Am Halbi 11i finded bem alte Reservoir en römisch-katholische Gottesdienst mit Begleitig vom Chor «Vocapella» statt. Be schlechtem Wetter esch er im St.Sebastian.
