Am Mentig, 28. April 2025 het es en Polizeiiisatz bi de reformierte Chile geh. De Täter het chönne devoränne.
Es isch vorgeschter gsi, wo öpper beobachtet het, wie sich en Maa aneme Fahrzüüg uf em Chileparkplatz a de Etzelstrass z schaffe gmachd het. D Augezügin het em 117i aaglüte und d Polizei isch au umgehend cho. Di iiträffende Patrouille hend gseh, wi de Täter devogseckled isch. D Fahndig, a dere au en Polizeihund beteiliged gsi isch, sig aber erfolglos blibe, het ois d Kapo mitteild. Am Türschloss vom entsprechende Fahrzüüg isch Sachschade entstande.