D Beschwerde vo de Gegner vo de Spezialzone Berg, wo nach em Volks-Ja bim Regiirigsrot Beschwerde iiglaid hend, isch vom Regiirigsrot abglehnt worde. D Beschwerdeführer hend jetzt 30 Tag Ziit, d Beschwerde ans Verwaltigsgricht witerzziehe.
D Spezialzone Berg het s nächschti Hindernis gnoh. Nach de Ablehnig dur de Iiwohnerrot, em Ergrife vom Referendum dur d Margrit Wahrstätter unterstützt vo de EVP und em JA bi de Volksabstimmig, hend Nachbere Beschwerde gege d Teilzoneplanänderig iiglegd. Di isch vom Regiirogsrot jetzt abglehnt worde, wi me im Amtsblatt cha läse. Ob de Entscheid rechtskräftig wird, zeiged sich, wenn di 30 Täg vorbi sind, di d Beschwerdeführer hend, um d Beschwerde vors Verwaltigsgricht z bringe.