Am Samschtig send im alte Friedhof vo Wettige zwölf noi Stieleiche pflanzt worde. Entlang em Friedhofweg esch eh noie Allee anstell vo de chrankheitsbedingte gfällte Bäum entstande.
D’FDP Wettige het im Vorfäld eh Sammelaktion gstartet, wo 14’500 Fr. zämecho send. Sie händ mit dere Aktion das strapazierte Gemeindsbudget welle entlaschte und en nochhaltige Bitrag ah eh sinvolli Sach ich de Gmeind biistüre.
Under fachkundiger Ahleitig vom Werkhof Wettige händ denne Gönner und eizelni Ihwohnerrotskandidate sowie de aktuelle Gmeindröt Martin Egloff und em Markus Haas die Jungbäum pflanzt. Au send die fachgrecht befeschtigt worde und natürlich mit vell Wasser gosse worde dermit sie au guet wachsed.
Jede woh en finanzielle Bitrag geh het, esch au amne Schild bi dem Baum erwähnt. Lut Initiante esch das eh eimalligi Glägeheit gsi, als Wettiger Ihwohner es nachhaltigs und persönlichis Zeiche z’setze.
Am Obe esch denne die noi Allee offiziell de Gmeind übergeh worde. De Roli Kuschter het als Gemindamme de Cheque entgegegnoh und sech ganz herzlich bide FDP für die glungnig und erfolgrichi Aktion bedankt. (SW)